Андижон машинасозлик институтининг “Машинасозлик” жамоаси ҳам Андижон вилояти иккинчи лигасида ўз олдиларига юқори мақсадларни қўйган холда, юқори ўринларда бормоқда.

Машинасозлар ўтказилган 12 тур якунига кўра, 28 очко жамғаришиб, иккинчи ўринни банд қилиб турибди.

Мақсадимиз жиддий, хозирча иккинчи ўринда бўлсакда, биринчи ўринга кўтариб олиш учун имкониятимиз бор деб ўйлайман. Ижобий натижаларга эришишимизда, институтимиз ректори Умиджон Мухторалиевичнинг доимий равишда қўллаб-қувватлаши замин бўлмоқда. Институтимизда талабаларимиз билим олиш билан биргаликда, футбол билан мунтазам равишда шуғулланиб келишади – дейди “Машинасозлик” жамоасининг бош мураббийи АзаматжонХаитов.

Агар эътибор ва шароитлар шундай даражада бўлса, “Машинасозлик” жамоаси яқин йилларда юқори лигаларда тўп суришига шубха қилмаса ҳам бўлади.

Васиев Хайрулло

“Машинасозлик” хозирча иккинчи ўринда, мақсад чемпионлик