Бугунги матбуот анжуманида Сарри ротацияни тўғри амалга ошириши кераклиги ҳақида алоҳида таъкидлаб ўтди.

"БАТЭга қарши беллашув катта муаммо туғдирмайди. Чунки биз сўнгги ўйинимиздан 5 кун ўтиб майдонга тушамиз. Асосий муаммо - якшанба куни "Борнмут"га қарши тўқнашув бўлади. Бизда тикланиб олишимиз учун 65 соат вақт бўлади. Шунинг учун, биз бу ҳақда бош қотиришимиз ва эхтиёткор бўлишимиз керак. Масалан, Жоржиньо Италия терма жамоасида икки ўйинда тўлиқ ҳаракат қилди ва МЮга қарши деярли 100 дақиқа тўп сурди. У дам олиши керак”.

Эртага Азар ўйнамаслиги аниқ. Унинг оёғи орт қисмида муаммо борлиги туфайли бу учрашувни ўтказиб юборади. Кейинги ўйинларда унга имконият беришга интиламиз” – деди Сарри.

Гарчи “аристократлар” ҳисобида 2 ўйиндан сўнг 6 очко бўлса-да, Сарри эртанги ўйин осон бўлмаслигини қайд этиб ўтди.

“Европада ўйнаш ҳар доим оғир. Рақибимиз бу мавсумда ҳаммаси бўлиб 4 марта мағлубиятга учраган ва улар учун мавсум яқин орада ўз ниҳоясига етади. Меҳмонда беларусь клуби яхшироқ натижа қайд этмоқда. Эртага оддий баҳс бўлмайди”, - дея Саррининг сўзларини келтирди “Челси” расмий сайти.

Маурицио Сарри: “Европада ўйнаш ҳар доим оғир”