"Жорий мавсум яхши ўйин намойиш этаётган жамоаларга қарши ўйнаш қийин. Улар ички чемпионатларда етакчилиқ қилишмоқда ва Чемпионлар лигасида яхши ўринни банд этишган. "Локомотив" кутганимиздан анча кучлироқ.

Бу "Байер"га қарши ўйиндаги каби оддий баҳс бўлмайди. Бу ҳимояда жуда яхши ҳаракат қилаётган ажойиб жамоа. Бундан ташқари, улар қарши ҳужумга ҳам тезкорлик билан ўтиб кетишади.

Ҳозир Дибала ва Игуаин жуда соз ҳолатда. Бу биз учун жуда муҳим. Биз 21 кун ичида еттинчи ўйинда майдонга тушамиз. Бундан кўриниб турибдики, ҳар бир футболчи ўзини кўрсатиш учун имкониятларга эга. Ҳар қандай ҳолатда ҳам хотиржамман ва ким эртага бошланғич таркибда тушишини кўрамиз.

Чемпионат аввалида ҳозирдагидан анча кам вазиятлар яратгандик. Бу бизни безовта қилмаяпти, чунки ўйинчиларимизнинг савияси вазиятлардан фойдаланиб, гол уришимизга замин яратади.

Рэмзи доим мушакларида ноқулайлик сезяпти. У мушакларини мустаҳкамлаш устида ишламоқда. Биз юқори юкламалардан вужудга келадиган муаммоларни олдини олмоқчимиз.

Рэмзи эртага майдонга тушади, деб ўйламайман. Данилода ҳаммаси жойида. У тўлиқ тикланиб бўлди. Лекин, 90 дақиқа ҳаракат қила олишига кўзим етмаяпти.

Роналду – ажойиб характерга эга ўйинчи. Фаолиятида 700-голини урганида, дарҳол униг 800-голини уришини ҳам ўйлай бошладим. Ўйлашимча, бу характер уни қолган ўйинчилардан ажратиб туради", – дейди Сарри.

Маурицио Сарри: "Локомотив" кутганимиздан яхшироқ ўйнамоқда"