Лекин биз интервью ҳақида гапирмоқчи эмасмиз, балки интервью ичида берилган суратлардан бири эътиборимизни тортди. Яъни ушбу суратда асфальт текислайдиган машинанинг майдонга чизиқ тортаётгани тасвирланган.

Қизиқ, асфальт машинаси қандай қилиб майдонга чизиқ тортади? Интернетни титкилаб YSC 303 маркали техника ҳақида баъзи маълумотларни топдик. Машина оғирлиги 3030 кг. экан, яъни уч тоннадан сал зиёдроқ. Албатта, майса устига уч тонна юк билан чиқиш жуда катта гап. Машина ўз оғирлиги билан яшил майсани босиб чизиқ тортди ҳам дейлик, лекин бу ҳолат ўт уруғини чиритиб юбормасмикин...

Тўғри, биз мутахассис эмасмиз ва бу ҳақда конкрет гапира олмаймиз. Лекин барибир асфальт текислайдиган машинани футбол майдонига олиб кириш ғалати кўринса керак. Оғир вазнли машина майса устида уч-тўрт марта бориб келганидан кейин ўтнинг ҳолати қандай бўлади, ҳайронмиз.

Қуйидаги видеода "Локомотив" стадионида майсани қирқиш ва шакл бериш қандай амалга оширилишини кўришингиз мумкин. Хулоса эса ўзингиздан.

TAS-IX

Майдонга шакл қандай берилади?