Килиан Мбаппе кеча Чемпионлар Лигасидаги голлари сонини 39 тага етказиб олди.

Эндиликда Чемпионлар Лигаси 5-туридан ўрин олган "ПСЖ" – "Маккаби" (7:2) учрашувида дубль қайд этган ва иккита голли узатмани амалга оширган франциялик ҳужумчи мусобақанинг 58 та учрашувида 39 та гол урди ва 23 та голли пас узатди. Мбаппе ушбу голлардан 6 тасини 2016/17 йилги мавсумда "Монако"да ўйнаганида урган.

Мбаппе 39 та тўп билан Фернандо Морьентесни ортда қолдириб, Чемпионлар Лигаси тарихидаги энг яхши тўпурарга айланди. Эндиликда улар 19-ўринни бўлишиб туришибди.

Юорида "Ювентус"нинг собиқ ҳужумчиси Алессандро Дель Пьеро ва ПСЖ ҳужумчиси Неймар (ҳар бири 43 тадан), "Челси" собиқ форварди Дидье Дрогба (44), "Ливерпуль" вингери Муҳаммад Салоҳ (45), "Манчестер Сити" собиқ ҳужумчиси Серхио Агуэро ва "Бенфика" собиқ аъзоси Эйсебио (ҳар бири 47 тадан), "Реал" афсонаси Альфредо Ди Стефано ва "Милан" ҳужумчиси Златан Ибрагимович (49 тадан).

ЕЧЛ тарихидаги энг яхши тўпурарлар рўйхатида ўнинчи ўринни "Милан"да ўйнаган Филиппо Инзаги эгаллаб турибди. Унинг ҳисобида 50 та гол бор.

Шу тариқа, 23 ёшли Мбаппе Чемпионлар Лигасида рақиблар дарвозасини 11 марта ишғол қилса, рўйхатнинг 10-поғонасидан жой олади.

Мбаппе ЕЧЛ 58 та учрашувида 62 (39+23) очко тўплади