Франциялик Ла Лиганинг 35-турида "Барселона"га қарши ўйинда (3:4) хет-трик қайд этганидан сўнг "Реал" ҳужумчисининг Испания чемпионатидаги голлари сони 27 тага етди. Ла Лигадаги ҳар бир гол "Олтин бутса" рейтингида 2 очко беради, шу тариқа Мбаппенинг ҳозирги ҳисобида 54 балл бор.

Соврин рейтингида етакчиликни "Спортинг" ҳужумчиси Виктор Дьокереш қўлга олган, у Португалия чемпионатида 38 гол уриб, 57 очко тўплаган. Иккинчи ўринда АПЛда 28 гол билан 56 очко жамғарган Муҳаммад Салоҳ турибди.

Топ 5 га "Барселона" ҳужумчиси Роберт Левандовски ва "Бавария" ҳужумчиси Харри Кейн ҳам кирган, улар ўз чемпионатларида 25 тадан гол уриб, 50 очко тўплашган.

"Олтин бутса" УЕФАга аъзо мамлакатлар миллий чемпионатларининг энг яхши тўпурарига берилади. 2023/24 мавсумида бу совринни Харри Кейн қўлга киритган эди.

Мбаппе "Олтин бутса" учун курашда Дьокерешдан 3 очко ва Салаҳдан 2 очко ортда