Ҳужумчи ўтган ҳафтада ПСЖ президенти Носир Ал Хелайфига ёзда клубни эркин агент мақомида тарк этишга қарор қилганини айтди. Бу борада расмий маълумот чиққанича йўқ. Мбаппе "Мадрид"га ўтишга яқин.

Журналист Эду Агирренинг хабарига кўра, Килиан "Реал" уни Евро-2024 стартига қадар, аниқроғи 14 июнгача "Сантьяго Бернабеу"да тақдим этишини хоҳлайди. Шу билан бирга, ўйинчинг ПСЖ билан шартномаси 30 июнда якунига етади.

"Мбаппенинг ғояси – уни Евро бошланишига қадар "Сантьяго Бернабеу"га қадар тақдим этишлари. У Криштиану Роналдудек тақдимот ҳақида ўйламоқда", – деб маълумот беради Агирре.

Эслатиб ўтамиз, Роналдунинг 2009 йилдаги "Бернабеу"да ўтган тақдимотига 85 000 нафардан ортиқ инсон ташриф буюрган.

Мбаппе "Реал" уни Евро-2024 стартига қадар Роналдудек тақдим этишини хоҳлайди