"Челси" дарвозабони Эдуар Менди жароҳати сабаб Чемпионлар Лигаси доирасида "Ред Булл Зальцбург" билан ўйнай олмайди.

"Football London" нашрининг хабар беришича, Томас Тухель Мендини Чемпионлар Лигасининг Загребнинг "Динамо"сига (0:1) қарши ўйинида захирада қолдиришига сабаблардан бири дарвозабонни хавотирга солаётган тиззасидан олган жароҳати бўлган.

Эндиликда Эдуар Чемпионлар Лигаси гуруҳ босқичи 2-тури доирасидаги "Зальцбург"га қарши ўйинда майдонга тушмайди.

Менди Грэм Поттернинг клубдаги илк кунларидан бери даволаниб келмоқда. Бугун 30 ёшли дарвозабон "Челси" умумий гуруҳида ишламади.

Ярим ҳимоячи Н'Голо Канте ҳам бугунги машғулотни ўтказиб юборди. У 14 август куни "Тоттенхэм"га қарши (2:2) ўйиндан бери "Челси"да ҳаракатланмади. Хавбек терма жамоаларнинг халқаро ўйинларидаги танаффусдан сўнг майдонга қайтиши кутилмоқда.

"Челси" эртага, 14 сентябрь куни ўз майдонида "Ред Булл" билан ўйнайди. Ушбу ўйин Грэм Поттер учун Лондон клуби бошчилигидаги биринчи учрашув бўлади.

Менди "Зальцбург"га қарши ўйнамаслиги мумкин