Чунки Суперлига бу - бир мусобақа. Табиийки йил якунида унинг энг яхши мураббийи бўлади. Ўзбекистоннинг энг яхши мураббийи дегани бу, албатта Суперлигани ютиши шарт дегани эмас. Балки Пролигани ютиб ҳам энг яхши бўлиш мумкин. Балки футзал, аёллар футболи ёки терма жамоаларда ишлаб ҳам.

Муаммо шундаки, йил якунлари деганда кўз олдимиздан биринчи навбатда Суперлига кетмай қолади. Натижада бошқа футболларни унутиб қўямиз. Мисол учун йилнинг энг яхши футзалчиси, аёл футболчиси ва ёш футболчиси аниқланяпти. Лекин нима сабабдан энг яхши футзал мураббийи ёки аёллар мураббийи аниқланмаяпти деган савол юзага келади.

Тақдирлашга келганда фақат Суперлига атрофида ўралашиб қолиш тўғри эмас, аксинча бошқа мусобақаларга нисбатан ҳурматсизлик ва аввало ПФЛнинг ўзи паст назар билан қарашини англатади.

Хуллас кечаги тақдирлашда Шота Арвеладзе Суперлиганинг энг яхши мураббийи бўлди, Рўзиқул Бердиев эса Ўзбекистоннинг. Ва Бердиевнинг Ўзбекистонда энг яхши деб топилиши адолатдан. Бунда ҳеч қандай муаммо кўрмаяпман. Рўзи ака мана бир неча йилдирки қатор-қатор футболчиларни тарбиялаб келяпти. Яна ким шу ишни қиляпти деган савол ҳам туғилади.

Мени фақат 3та нарса ранжитди. 1. Энг яхши футболчилар қаторида Жасур Яхшибоевнинг йўқлиги, 2. Энг яхши мураббийлар қаторида нима сабабдан Абрамовнинг борлиги ва 3. Энг яхши мураббийлар орасида "Турон" бош мураббийининг исми умуман тилга олинмагани.

Мени ранжитган уч нарса