Мессининг таъкидлашича, жамоа пандемия шароитида клуб раҳбарияти билан иш ҳақи борасида муросага келган. Футболчилар бундан буёғига олдинги маошларининг 30% ини оладилар. Бундан ташқари, "кўк-анорранглилар" ўйинчилари клубда ишлаётган ходимлар учун пул тўлашади.

"Кўплар бизнинг маошимиз ҳақида ёзди. Биз бу вақт ичида маошларнинг камайиши тарафдори эдик. Агар клуб бу ҳақда сўраётган бўлса, биз клубга ёрдам беришимиз керак.

Жамоада маош масаласи кўтарилмади. Эндиги асосий нарса - ҳозирги вазиятдан озор кўраётган инсонларга ёрдам бериш", - деб тушунтириш берди Месси.

Олдинроқ, "Реал" "Барселона" каби маошларни туширмаслигини билдирган эди. "Атлетико" ҳам мураббийлар штаби ва футболчилар билан иш ҳақини камайтириш борасида музокаралар олиб бораётгани ҳақида хабарлар янграганди.

Месси баёнот қилди. "Барселона" ўйинчилари маошларининг 70%га қисқаришига рози, бундан ташқари...