Хабарингиз бўлса керак, шу кунларда етти карра "Олтин тўп" соҳиби Лионель Месси Аргентина терма жамоаси билан биргаликда Хитойда бўлиб турибди. Бугун ушбу мамлакатда жамоа Австралияни 2:0 ҳисобида мағлуб этди.

Мессининг Осиёга ташрифи уни кўришни истаган мухлислар учун айни муддао бўлиши шубҳасиз. Аммо бунинг ортидан сохта йўл билан мумайгина даромад қилмоқчи бўлганлар ҳам анчагинани ташкил этади.

Мамлакатда тарқалган рекламалардан бирида 300 минг юан (42 минг доллар) эвазига Месси билан кечки овқат ташкил этилиши ваъда қилинган. Пекин жамоат хавфсизлиги бюроси Weibo порталида бунга ҳазил билан жавоб берди: "Агар сизни 300 минг юан билан ишонтириш мумкин бўлса, ўзимиз сиз билан қадаҳ уриштирамиз".

Шунингдек, таклифлар орасида 5000 юанга (700 доллар) стадионнинг олдинги қаторларидан чипта ва Мессининг имзоси туширилган либос; 8000 юанга (1100 доллар) Месси билан суратга тушиш каби тўпламлар ўрин олган.

Қолаверса, бадавлат бизнесменлар учун ҳам махсус таклиф ишлаб чиқилган. Унга кўра, 50 млн юан (7 млн доллар) эвазига аргентиналик юлдузнинг бизнесмен кўз ўнгида пўл туловчининг компаниясини реклама қилиб бериши назарда тутилган.

Аввалроқ Мессини Хитой чегарасида ушлаб қолишгани ҳақида хабар берилганди.

Месси билан ичиш учун 42 минг доллар! Хитойлик мухлислар фирибгарликдан огоҳ бўлишга чақирилмоқда