20 июнь куни Америка кубоги старт олади, турнирга Америка Қўшма Штатлари мезбонлик қилади.

Амалдаги чемпион Аргентина тўрт ҳафтадан кўпроқ давом этадиган турнирнинг очилиш ўйинида Канада билан тўқнаш келади.

Турнир олдидан Аргентина терма жамоаси сардори Лионель Месси ОАВ билан суҳбатлашди ва у ҳали ҳам учрашишга умид қилаётган ягона спортчини маълум қилди.

"Мен Майкл Жордан билан учрашиб, суратга тушмоқчиман", — деди Месси интервью давомида.

Месси сингари, Майкл Жордан ҳам кўпчилик томонидан ўз спортида барча даврларнинг энг зўри деб ҳисобланади.

Собиқ баскетбол юлдузи 1991-1993 ва 1996-1998 йилларда "Чикаго Буллз" билан Миллий Баскетбол Ассоциациясининг (НБА) олтита чемпионлигини қўлга киритган.

Жордан нафақат НБА финалида мағлуб бўлмаган, балки у ўйнаган ҳар бирида энг яхши ўйинчи мукофотини қўлга киритди.

Шунингдек, у терма жамоа билан ҳам муваффақиятга эришди ва 1984 ва 1992 йилги Олимпия ўйинларида АҚШ таркибда олтин медалларга эга чиқди.

Месси қайси спортчи билан суратга тушишни хоҳлашини айтди