КОНКАКАФ Чемпионлар Кубоги биринчи доира баҳсида "Интер Майами" "Канзас Сити"ни 1:0 ҳисобида таслим қилди.
Ўйиндан сўнг учрашув бош ҳаками Марко Антонио Ортис Нава Мессидан имконияти чекланган қариндоши учун автограф сўраган.
КОНКАКАФ мексикалик ҳакамга нисбатан интизомий жазо қўллаган.
"Ҳакамнинг хатти-ҳаракатлари конфедерациянинг ўйин расмийларига нисбатан одоб-ахлоқ қоидаларига ва бундай сўровлар бўйича амалдаги тартибларга тўғри келмади”, — дейилади ташкилот баёнотида.
Ҳакамга қандай жазо берилгани аниқ эмас, аммо рефери ўз ҳаракатлари учун барча айбни бўйнига олгани айтилмоқда.
Изоҳлар