Лео Месси жаҳон чемпионатидан сўнг ғалабадан роҳатланишда давом этмоқда: у эндиликда ўз рафиқаси Антонелла Рокуццо билан бирга она шаҳри бўлмиш Росариога келди. Улар мухлислар қуршовида машинада ҳаракатланишди, қизиқарли жиҳати эса рулда ҳайдовчи ёки қўриқчи эмас, Леонинг хотини эди.

Антонелла финалдан сўнг бирдан Росариога учди, Месси эса аввалига жамоа билан совринни нишонлаш учун Буэнос-Айресга йўл олди.

Антонеллани уч боласи билан аэропортда Леонинг онаси Селия Мария Куччиттини қарши олди. Улар биргаликда машинада ёпиқ туман Фунес (Росарионинг ғарби)да жойлашган уйга боришди.

Месси ватанига қайтганида, унинг оиласи жам бўлишганди. Лео финалдан кейинги дам олишни интиқлик билан кутганди: "Энди хоҳлайдиган барча нарсам бу Аргентинага йўл олиш, дўстларим билан бўлиш ва Росариода дам олишдир. Уйда рафиқа билан бирга қуёшда тобланиш, мате ичиш ва жаҳон чемпионлигидан завқланиш".

Месси Рождество ва янги йилни Росариода кутмоқчи.

Ҳозирча Леонинг қачон Парижга қайтиши тушунарсиз. Балки у ўзининг уйи бўлмиш Росариода дам олаётган Анхель Ди Мария билан бирга Европага қайтар.

Лео ва Антонелла 7 ёшидан бери учрашади – уларни Мессининг "Ньюэллс"даги жамоадоши таништирган

Антонелла Рокуццо – Леонинг ёшлигидаги дўсти, 2017 йилдан бери эса рафиқаси. Уларнинг иккиси ҳам Росариодан ва етти ёшда танишишган. Жуфтликнинг уч фарзанди бор: Тьяго, Маттео ва Чиро.

Лео ва Антонелла Рокуццонинг акаси ва Мессининг "Ньэллс"даги жамоадоши бўлмиш Лукас Скалья сабаб танишишган. Месси шунчаки дўстлашишганида "Қачондир учрашамиз" деб хат ёзган.

Лео 2000-йиллар бошида "Барселона"га ўтди, Антонелла эса Аргентинада қолди: у диетолог маълумотиини олди ва аёллар фитнес-марказида ишлади. Улар бир мунча вақт масофадан мулоқот қилишларига тўғри келди.

Улар фақатгина 2004 йилдагина учрашишни бошлашган: Антонелланинг дугонаси автоҳалокатга учради ва Лео севган қизини қўллаб-қувватлаш учун Аргентинага учиб келди. Улар шундан бери ажрашишмайди.

Антонелла Месси келгунига қадар уч йил бир йигит билан гаплашиб юрган. Аммо, Лео келиши билан у ажрашган. Антонелланинг собиқ йигити маҳаллий нашрга берган интервьюсида "у мени ташлаб кетди, аммо қайсидир қари инсон сабаб эмас, у мени Месси сабаб ташлаб кетди".

Алишер Остонов таржимаси

Мессидан ёқимли хордиқ: Антонелла билан жонажон Росариосига учди. Улар у ерда 7 ёшларида танишишган