Манбанинг хабарига кўра, "Ал Ҳилол" 35 ёшли футболчига расмий шартнома таклифини юборган.

Аввалроқ Яқин Шарқ мамлакатида аргентиналик футболчи йилига 400 миллион евро ишлаб олиши мумкинлиги ҳақида хабар берилганди.

Месси Саудия Арабистонининг туризм элчиси ҳисобланади. Ушбу мамлакатга рухсатсиз сафар қилгани учун ПСЖ ҳужумчини икки ҳафтага дисквалификация қилди.

Эслатиб ўтамиз, Месси ва ПСЖ жорий мавсум охирида якунланадиган шартнома муддатини узайтирмайди.

Шунингдек, "Барселона" ҳам ёзда ўз тарбияланувчисини қайтариш истагини билдирган.

Мессига “Ал Ҳилол”дан расмий таклиф келди