Ушбу учрашувда парижликлар форварди Лео Месси иштирок этмаяпти. Аргентиналик футболчи ЕЧЛнинг 3-турида "Бенфика"га қарши баҳсда жароҳат орттириб олган. У оёғининг болдир қисмидан ноқулайлик ҳис қилган ва захирага олишларини сўраган. Ўйиндан кейин Мессининг болдир қисмида кичик жароҳат борлиги аниқланган.
Жароҳат жиддий эмас, шу сабабли у "Реймс"га қарши ўйнаши мумкин бўлганди. Бироқ Месси якунда қайдномага киритилмади.
