Жамоа аъзолари водий сафарига эртага - жума куни эрталаб жўнаб кетишади.

Мазкур учрашувда пойтахт вилояти жамоасига тажрибали ҳимоячи Давронбек Каримқулов ёрдам бера олмайди. Сабаби “Пахтакор” билан учрашувда олинган сариқ карточка Д.Каримқуловнинг мавсумдаги тўртинчи огоҳлантирилиши эди. Шу боисдан у навбатдаги тур ўйинини ўтказиб юборишга мажбур. Таркибга эса жамоа тўпурари Зоҳид Абдуллаев қайтди. У машғулотлар жараёнида фаол ишлаяпти. “Пахтакор”га қарши учрашувда майдонга туша олмаган Зоҳид Абдуллаев ҳозирча тўпурарлар пойгасида “Локомотив” ҳужумчиси Темурхўжа Абдухолиқовдан иккита тўпга ортда қолаяпти.

Қўқонда бўлиб ўтадиган учрашувни мамлакатимизнинг энг тажрибали ҳаками, ФИФА рефереси Равшан Эрматов бошқариб боради. Унга қанотларда Абдуҳамидулло Расулов ва Жаҳонгир Саидовлар ёрдам беришади. Заҳирадаги ҳакам Акмалжон Раҳимов эса асосий таркиблар ўйинидан бир кун муқаддам ёшлар таркиблари учрашувини ҳам бошқариб боради.

«Қўқон-1912» (Қўқон) – «Металлург» (Бекобод). 17 сентябрь. Қўқон шаҳри.
Ҳакамлар: Р. Эрматов (Тошкент), А. Расулов (Тошкент), Ж.Саидов (Тошкент), А. Раҳимов (Андижон)
Назоратчи: Д. Роман (Тошкент).
ЎзПФЛ вакили: Б. Ҳайдаров.

"Металлург" матбуот хизмати

"Металлург": “Қўқон 1912”га қарши учрашувни Даврон Каримқулов ўтказиб юборади