Рақиб олдига катта мақсадларни қўяётган Про лига А нинг янги аъзоси – Фарғонанинг “Турон” жамоаси бўлди.

Қор ёғиб туриши ва бироз изғиринли ҳавода ўтган ўйин Суперлига вакилининг ишонарли ғалабаси билан интиҳо топди. Биринчи бўлимда яйпанликлар дарвозасига киритилган иккита гол “Металлург” устунлигини таъминлади.

Ҳар иккала гол чап қанотдан бошланган комбинация маҳсули бўлди. Даставвал Аброр Тошқўзиевнинг қанотдан жарима майдонига узатиб берган тўпини Мурод Бобожонов рақиб дарвозасига жойлаб қўйди – 1:0. Кейинги голни эса Аброрнинг ўзи киритди. “Металлург”нинг янги ўйинчиси Абдулҳақовнинг узатган тўпни жарима майдони ичида Тошқўзиев хотиржам тўхтатиб, дарвозанинг олис бурчагини аниқ нишонга олди – 2:0.

Мазкур учрашувда бекободликлар устози Андрей Шипилов қўл остидаги барча ўйинчиларнинг хизматидан фойдаланди. Иккала таймда таркиблар тўлиқ алмаштирилди ва заҳирадаги футболчиларга ҳам ўйин амалиёти берилди.

Назорат учрашуви.
“Металлург” (Бекобод) – “Турон” (Фарғона вилояти) – 2:0 (2:0). “Кимёгар” стадиони
Ҳакам: Р.Абдувоҳидов.
Назоратчи: О.Дачев.
Голлар: Мурод Бобожонов (32), Аброр Тошқўзиев (38).

"Металлург" қорли майдонда "Турон"ни мағлуб этди