Ўйиндан олдин жамоадошлар бугун ўзининг 27-баҳорини қаршилаётган Дониёр Одиловни таваллуд айёми билан самимий табриклашди. Ўз навбатида “Металлург” жамоаси плеймейкерларидан бири Аюбхон Нўъмоновни эса қиз фарзандлик бўлганлиги билан қутлашди.
Жамоадошлардан эса энг яхши совға – қандай нуфуздаги ўйин бўлмасин, унда ғалаба қозонишдир. Бекободликлар “Бунёдкор” футбол клуби ёшлар таркибини йирик ҳисобда доғда қолдиришди ва хурсандчилигини баҳам кўраётган дўстларига муносиб туҳфа тайёрлашди. Учрашувнинг биринчи бўлимида Мирғиёс Сулаймоновнинг бурчакдан етказиб берган тўпини Зоҳид Абдуллаев рақиб дарвозасига жойлаб ҳисобни очди. Иккинчи таймда эса “Металлург”нинг тажриба борасида устунлиги яққол кўзга ташланди ва улар яна икки марта муваффақият қозонишди. Аввалига жамоа сардори Ҳикмат Ҳошимов гол киритган бўлса, учрашув якунланиши арафасида Мирғиёс Сулаймонов ўзини кўрсатди.

“Металлург” – “Бунёдкор” (ёшлар таркиби) – 3:0 (1:0)
Ҳакамлар:Рустам Лутфулин, Тимур Галеев, Акбар Пўлатов.
Голлар:Зоҳид Абдуллаев (20), Ҳикмат Ҳошимов (67), Мирғиёс Сулаймонов (83).
“Металлург”: Суҳроб Султонов, Мирғиёс Сулаймонов, Ҳикмат Ҳошимов, Даврон Каримқулов, Улуғбек Худойбердиев, Вусол Магеррамов, Мурод Тошматов, Дониёр Одилов, Аюбхон Нўъмонов, Жаҳонгир Абдумўминов, Зоҳид Абдуллаев.
Иккинчи таймда майдонга тушганлар:Зафар Сафоев, Дилмурод Каримов, Жасур Аҳмедов, Суннат Эрматов, Озод Комилов,Зоҳид Раупов, Жасур Ҳакимов.
“Бунёдкор” (ёшлар таркиби):Абдукарим Муҳамедов, Юсуф Эргашев, Арслон Элбеков, Босит Раҳимов, Бекзод Нишонбоев, Даврон Умиров, Абдулла Исломов, Суннат Абдуллажонов, Элбек Равшанов, Азамат Розиқов, Миржаҳон Раҳматов.

“Металлург”: Туғилган кунга жамоадошлардан совға