Ушбу учрашувдан сўнг мезбонлар бош мураббийи Микаэль Секейра фикрларини билдириб ўтди.

"Ўйин осон ўтмади. VAR билан боғлиқ тўхталишлар ҳисобига ўйинимиз яхши чиқмади. Жамоамиздаги футболчилар ҳам қўлидан келганча ҳаракат қилишди. Мақсадимиз ғалаба қозониш эди. Нима ҳам дердим, "Навбаҳор"ни ғалаба билан табриклайман. Бор гап шу",- дея гап бошлади Секейра.

- "Локомотив" иккита турдан бери яхши ўйнаб мағлубиятга учрамоқда. Жамоада ички муҳит қандай? Навбатдаги ўйинларда ғалабага умид қилса бўладими?
- Иккита ўйинда ҳам футболчиларим ёмон ўйин кўрсатишмади. Айрим вазиятлардаги тўп йўқотишлар мағлубиятга учрашимизга сабаб бўлди. Кейинги ўйинларда ғалаба қозонишга ҳаракат қиламиз. Йигитлар берилган вазифани бажаришди. Тўғри мағлуб бўлдик, бунга мен жавобгарман. Олдинга интилишда давом этамиз.

- Юқорида ўйинчиларда айб йўқлиги, барча кўрсатмаларингизни тўлиқ бажаришгани ҳақида айтдингиз. "Навбаҳор"нинг ғалаба голини заҳирадан майдонга тушган ўйинчилар юзага келтирганини ҳисобга олсак, бугун Виктор Жалиловга тактик томонлама ютқазганингизни тан оласизми?
- Мен бу ерга кўриб ўйинлар, жараён бошқача эканлигига гувоҳ бўлдим. Буни икки ой ичида ўзгартириб бўлмайди.

Микаэль Секейра: "VAR билан боғлиқ тўхталишлар ҳисобига ўйинимиз яхши чиқмади"