“Бу бизнинг энг яхши ғалабаларимиздан бири бўлди. Ўйин тақвимимиз тиғиз, маълум муддат эълон қилинган танаффусдан сўнг рақибмиз яхши ўйин намойиш этиб келаётганди. Бу майдонга келиб, бугунгидек ғалабага эришиш осон иш эмас. Биз олдинга яна бир муҳим қадам ташладик. Бундан жудаям мамнунман.

Олдимизда турган баҳсларда хато қилишга ҳаққимиз йўқ. Ҳар бир ўйинда ғалаба қозонишга уриниб кўрамиз. Бугунги ғалаба учун хурсанд бўлиб турамиз. Эртадан эса “Лестер” ҳақида бош қотиришни бошлаймиз. Кейинчалик нима бўлиши ўшанда кўрамиз. Бир неча ҳафта илгари бундай тиғиз тақвим боис Чемпионлар лигасида штирок этувчи йўлланма учун курашиш ҳақида ўйлаб ҳам бўлмасди. Ҳозир вазият ўзгарди.

Биз ўйиндан ўйинга яхшироқ бўлишга интиламиз. Имкониятимиз бор экан унга эришиш учун ҳаракатда давом этамиз. Агар ҳар бир ўйинни бугунгидек ўтказа олсак, рақибларимизга осон бўлмайди”, деди Артета.

Микель Артета: “Бир неча ҳафта илгари “Арсенал”нинг ЧЛда иштирок этувчи учун кураш олиб бориши имконсиз эди”