- Мухлислар учун бу ўйин қизиқ бўлди, 6та гол урилди. "Машъал"ни ғалаба билан табриклайман. Жамоа жуда яхши ҳолатда. Бундай рақибларга қарши ўйнаш доимо ёқимли. Бугун биз мағлуб бўлдик. Ҳали ишлашда давом этишимиз керак бўлган жиҳатлар жуда кўп.

- Мағлубиятни қандай баҳолайсиз? Балки бунда тажриба ўз сўзини айтгандир.

- Нима десам бўлади... "Машъал" ўйин сифати борасида биздан устунроқ жамоа эканлигини тан оламан. Бироқ "Машъал" фонида "Дўстлик" жамоаси ёш болалардек жамоа сифатида таассурот қолдирмади. Айрим вазиятлар бор, ишлашда давом этиб, хатоларни тўғрилаш керак. Ўйлайманки, ҳали ғалабаларимиз олдинда. Жамоамдан миннатдорман, биз футбол ўйнадик. Ҳатто бир киши кам бўлиб қолганимизда ҳам футбол ўйнашда давом этдик. Шу сабабли йигитлардан миннатдорман. Агар улар ҳам тажриба йиғиб олишса, барчаси яхши бўлиб кетади.

- Агарда жамоангиз шундай ўйинни давом эттирса, ғалабани яқин десак бўладими?

- "Дўстлик" ҳар бир ўйинда ғалаба учун майдонга тушади. Ғалаба учун етишмаётган омиллар бор. Масалан, айрим ҳолатларда тажриба камлик қилмоқда, баъзида эса ҳали ишланмаган жиҳатлар ҳалақит қилмоқда. Бу йўлдан кетсак, ғалабага тезроқ эришамиз дея оламан.

- Қизил карточка ҳақида нима дея оласиз?

- Бу борада қўмита бор. Ҳакамлик борасида ҳеч нима демайман. Ҳакамлар ўзларини устида ўзлари ишлашсин. Қўмита эса баҳо берсин. Мен эса ўзим ва жамоамни ўйлайман.

Микола Шевченко: "Машъал" фонида ёш болалардек кўринмадик"