Айни пайт турнир жадвалида иккинчи ўринда кетаётган жиззахликлар бу йил ҳам юқори мақсадларни олдига қўйган. Лекин чемпионатнинг эндигина 11та тури ўтди. Якуний хулосага эса эрта. Фикримизни "Сўғдиёна" дарвозабони Милан Митрович ҳам тасдиқлаган ҳолда яна қуйидагиларни қўшимча қилди.

"Ҳозирча бу ҳақида гапиришга эрта. 10та турдан кейин осмонга учиш ярамайди. Табиийки медаллар учун курашмоқдамиз. Қадам ва қадам олдинга қараб интилмоқдамиз. Мавсум якунига қадар шу бирликни сақлаб қолишимиз зарур.

Сўнгги ўйинларимиз ҳақида кўп гапирмоқчи эмасман. Абдуманнопов ва Ҳалилов? Улар ўзларини кўрсатишмоқда. Дониёрни "Андижон"да ўйнаган пайтидан таниймиз. У яхши ҳужумчи эканлигини кўрсатмоқда. Майдонга тушган ўйинларида гол урмоқда. Ёш футболчи Ҳислат Ҳалиловнинг келажаги олдинда, деб ўйлайман. Курашлардан қўрқмаяпти. У машғулотларда янада яхшироқ ишлашда давом этиши керак",- дейди Митрович.

Милан Митрович: "Ҳозир осмонга учадиган пайт эмас"