Ўша пайтлари бу жамоада кимлар ўйнамаган дейсиз. Айниқса Андрей Шевченконинг бир ўзи қандай мўъжизалар яратганини бир эсга олинг-а.

Лекин вақт бамисоли оқар сув, ҳеч қачон тўхтамайди. Вақт ўтган сари одамлар ҳам ўзгариб боради. Қуйида ўша дилларга яқин "Милан" юлдузларининг кечаси ва бугунини ёдга оламиз.

Дида

Кеча: "Милан"да 2000-2010 йиллар ўйнаган. Жамоа сафида 206та ўйин ўтказган.

Бугун: "Милан" футбол мактабида ёш дарвозабонларни шуғуллантиряпти.

Паоло Мальдини

Кеча: Фаолиятини тўлиқ "Милан"да ўтказган (1984-2009). Жамоа сардори, клуб афсонаси. 647да ўйинда майдонга тушиб, 30та гол урган.

Бугун: Мальдини яқинда коронавирусдан тузалди. У ҳозирда "Милан" клуби бош менежери сифатида фаолият олиб боряпти.

Массимо Амброзини

Кеча: "Милан"да 1995-2013 йиллар ўйнаган. 344та учрашувда майдонга тушиб, 29та гол урган.

Бугун: Амброзини "Sky Sports" шарҳловчиси сифатида ишлаб келяпти.

Кафу

Кеча: 2003-2008 йиллар "Милан"да ўйнаган. 119та ўйинда майдонга тушиб, 4та гол урган.

Бугун: Бразилия матбуотида футбол эксперти.

Алессандро Костакурта

Кеча: 1986-2007 йиллар "Милан"да ўйнаган. 458 ўйин ўтказиб, 3та гол урган.

Бугун: Италия Миллия олимпия қўмитасида иш олиб бормоқда.

Женнаро Гаттузо

Кеча: 1999-2012 йиллар "Милан"да ўйнаган. 335та учрашувда майдонга тушиб, 9та гол урган.

Бугун: "Наполи" клуби бош мураббийи.

Филиппо Инзаги

Кеча: 2001-2012 йиллар "Милан"да ўйнаган. 202та учрашув ўтказиб, 73та гол урган.

Бугун: B серия вакили "Беневенто" клуби бош мураббийи.

Кака

Кеча: 2003-2009 ҳамда 2013-2014 йиллар "Милан"да ўйнаган. Жами 223 учрашувда иштирок этиб, 77та гол урган.

Бугун: 2017 йилда фаолиятини тугатган Кака ҳозирда ФИФА элчиси сифатида фаолият олиб боряпти.

Каха Каладзе

Кеча: 2001-2010 йиллар "Милан"да ўйнаган. Жамоа сафида 194 ўйинда майдонга тушиб, 12та гол урган.

Бугун: Тбилиси шаҳар ҳокими.

Алессандро Неста

Кеча: 2002-2012 йиллар "Милан"да ўйнаган. 224та учрашувда майдонга тушиб, 9та гол урган.

Бугун: B серия вакили "Фрозиноне" бош мураббийи.

Андреа Пирло

Кеча: 2001-2011 йиллар "Милан"да ўйнаган. 284 учрашувда майдонга тушиб, 32та гол урган.

Бугун: 2017 йил фаолиятини тугатган Пирло ҳозирда ишсиз.

Руи Кошта

Кеча: 2001-2006 йиллар "Милан"да ўйнаган. Жамоа сафида 169 учрашувда майдонга тушиб, 4та гол урган.

Бугун: "Бенфика" клубида селекционер мураббий.

Йон-Даль Томассон

Кеча: 2002-2005 йиллар "Милан"да ўйнаган. Жамоа сафида 76 ўйин ўтказиб, 22та гол урган.

Бугун: Швециянинг "Мальмё" клуби бош мураббийи.

Кларенс Зеедорф

Кеча: 2002-2012 йиллар "Милан"да ўйнаган. Жамоа сафида 300та ўйинда майдонга тушиб, 47та гол урган.

Бугун: Охирги иш жойи Камерун терма жамоаси бўлди. Ҳозирда ишсиз.

Сержиньо

Кеча: 1999-2008 йиллар "Милан"да ўйнаган. 185 учрашувда иштирок этиб, 18та гол урган.

Бугун: Ҳаваскор фахрийлар жамоасида футбол ўйнаяпти.

Андрей Шевченко

Кеча: 1999-2006 ҳамда 2008-2009 йиллар "Милан"да ўйнаган. 208та ўйинда майдонга тушиб, 127та гол урган.

Бугун: Украина терма жамоаси бош мураббийи.

Карло Анчелотти

Кеча: 2001-2009 йилларда "Милан"ни бошқарган.

Бугун: "Эвертон" клуби бош мураббийи.

"Милан" юлдузлари: кеча ва бугун