- Куни кеча Жиззахда оғир учрашув ўтказган эдик. Орадан икки кун ўтиб, яна бир қийин баҳсда иштирок этдик. АГМК клуби жуда бақувват футболчилардан ташкил топгани ва стандарт вазиятларга эътибор қаратиши олдиндан маълум эди. Бўйдор футболчиларга қарши куч синашиш анчайин мушкул вазифа. Баҳс қизиқарли ва шиддатли кечди. Биринчи бўлимда ташаббус бизда бўлди. Бироқ иккинчи таймда рақиб ҳаракатлари ижобий томонга ўзгарди ва бу жиҳат бизга бир мунча қийинчилик туғдирди. Умуман, ўйин бошидан то охиригача мухлисларга ёқди, деб ўйлайман. Мана шундай мураккаб баҳсда ғалаба қозонганимиздан хурсандман. Ютуқ учун футболчиларимга миннатдорчилик билдираман. Жамоамизга далда бўлиб, бизни қўллаб-қувватлаган мухлисларга ҳам алоҳида раҳмат айтаман. Фурсатдан фойдаланиб, халқимизни кириб келаётган Рамазон ойи билан табриклайман, - дейди МиржалолҚўшоқович.

- Учрашувга пухта хозирлик кўргандик. Рақибнинг ўйин услубини яхши ўзлаштирган ҳолда, мураббийларимиздан керакли кўрсатмалар олгандик. Ўйлайманки, мураббийларимиз айтган кўрсатмаларни яхши бажардик. Голларим жамоамга фойда келтирганидан жуда хурсандман. Кейинги учрашувларда ҳам фойдали голлар уришга ҳаракат қиламан, - дейди учрашувнинг энг яхши футболчиси деб топилган ФилипРаевац.

Миржалол Қосимов: “Ғалаба учун шогирдларимга раҳмат”