"Икки хил бўлим гувоҳига айландик. Биринчи таймда яхши ўйнадик. Аммо яратилган вазиятлардан фойдалана олмадик. Захира ўриндиғимизда академиямиз тарбияланувчилари ўтиришди. Бу ўйинда олдин беш футболчи иштирок эта олмади. Икки ўйинчи дисквалификация, уч футболчи жароҳат сабабли бугун ўйнай олишмади. Бундай ўйинда бунчалик кўп йўқотишлар ўз сўзини айтади. Бекободда ҳам биринчи бўлимга қараганда иккинчи бўлимда суст ўйнадик, шу боис охирги дақиқаларда гол ўтказиб ютқазиб қўйдик. Шунақа ўйинлар орқали йигитлар тажриба тўплашади", - дейди Қосимов.

- Мавсум бошидан буён молиявий қийинчиликлар, ўйинчиларни руҳлантириш давом этмоқда. Мавсум тугамоқда, барибир одам чарчайди. Нафақат пул муаммоси, келаси йил "Бунёдкор" бор-йўқлиги ҳам сўроқ остида. Бу ҳам футболчиларга руҳан таъсир қилади...
- Авваламбор биз мухлислар учун ўйнаймиз. Тўғри мукофот пуллари йўқ, лекин бу баҳона бўлмаслиги керак. Ўз олдига катта мақсад қўйган, келажакда кучли футболчи бўламан деган ўйинчилар бу нарсани ўйлаши керак эмас. Йигитлар билан келишиб олганмиз. Ташқаридан бу ҳеч кимга қизиқ эмас. Албатта ўз даражамиздан пастга тушишимиз керак эмас. Биз инсонмиз, чарчаймиз. Мақсадимиз Осиё чемпионлар лигаси йўлланмасини қўлга киритиш, бу нарсага эришиш қийин бўлади, лекин охиригача курашамиз. Кейинги йил клуб бўлмайди ёки олти очко олинади деган гапларни вақт кўрсатади. Ҳозир энг кераклиги мавсумни охиригача етказиб қўйиш.

Миржалол Қосимов: "Клуб ёпилади ёки олти очко олинади деган гап сўзларга эътибор қилмаяпмиз"