- Олдиндан бу ўйин қийин ўтишини билардик. Ҳозир Про-лигадаги барча жамоалар яхши тайёргарлик кўришмоқда, кайфият ҳам яхши бўлмоқда. Шу сабабли исталган ўйин қийин ўтади, мана бугун ҳам шундай бўлди. Урилиши керак бўлган бир қанча вазиятлар бўлди. "Олимпик" ҳам ҳаракат қилди ва футбол ўйнашга интилди.

- Бунга қадар "Олимпик"да ишлагансиз. Собиқ жамоангизга қарши ўйин ҳақида.

- Ҳа, бир томондан қийин, бир томондан бу ҳақида гапириш кулгили. Чунки яқиндагина шу ерда ишлаётгандим. Бугун уларнинг ўйини менга ёқди. Жамоада яхши мураббийлар иш олиб боришмоқда. Бошқа жамоадан бўлиб туриб, бошқа жамоага эътибор бериш қийин. Аммо жамоадаги футболчилар бир-бирини қўллаб-қувватлаши, футбол ўйнашга ҳаракат қилаётгани менга маъқул келди. Бизга уч очко жуда ҳам керак эди. Собиқ жамоам деб қараб ўтиролмасдим. Лекин юрагимнинг ярми "Олимпик"да, ярми "Локомотив"да бўлди. Чунки ўғлим ҳам "Олимпик"да ўйнамоқда.

- Жамоага янги келган футболчилар ҳақида фикрингиз. Мавсумнинг иккинчи ярми олдидан жамоага 6 футболчи келиб қўшилди.

- Барчасини вақт кўрсатади. Йигитлар бир-бирларини тушунишни бошлашмоқда. Ҳозирча ёмон эмас. Мослашиш якунланмас экан, асосий таркиб учун курашиш осон бўлмайди. Бироқ ривожланишда давом этиш керак, чунки чемпионат давом этмоқда ва ривожланишда, изланишда ҳаракат қиламиз. Янги келганлар ўзларининг кучли томонлари билан бизга ёрдам бера олади. Янгилар ушбу лигада, ушбу жамоада ўйнашган ва шу сабабли жамоа сифатида ҳали ўса олишади.

- Садриддин Абдуллаевга савол: раҳбариятдан асосий таркибда ишлаш таклифи берилганида бирданига рози бўлдингизми?

Садриддин Абдуллаев: - Жамоага Мирко Йеличич келаётганини билганим учун бирданига рози бўлдим. Чунки ҳали ўсишим, ўрганишим керак. Секин-секин ўрганяпмиз, ҳали ўрганадиганимиз кўп. Ўрганишда давом этамиз ва "Локомотив"ни ўз жойига қайтаришга ҳаракат қиламиз.

- "Локомотив"нинг U19 жамоасининг ўйин услуби асосий таркибнинг ўйин услубига ўхшаб кетади. Бу ҳақида фикрингиз.

- Футболчилигимда Мирко Йеличичдан кўп нарсани ўрганганман, мураббий сифатида ҳам. Шунда мен ҳам U19 жамоани Мирконинг ўйин услуби каби мослаштиришга ҳаракат қилганман. Йеличичнинг нималарни талаб қилишини, исташини биламан. Балки шу сабаблидир ўйин услуб ўхшаб кетади. Лекин менинг ҳали ўрганадиганим жуда кўп. Бир ойдан бери бирга ишлаяпмиз, билмаганларим ҳали жуда кўп экан.

Мирко Йеличич: "Юрагимнинг ярми "Олимпик"да, ярми "Локомотив"да бўлди"