- Ушбу учрашув ҳам жуда қийин бўлди. Ўзбекистон терма жамоаси Осиёда жуда ҳам кучли ҳисобланади. Миллий терма жамоамиздан 2 ёки 3 нафар футболчимиз кечаги ўйинда иштирок этди. Таркибимизда қолган футболчилар илк бор терма жамоа сафида майдонга тушишди.

Мағлубиятимизнинг сабаби, биз тўлиқ таркиб билан Тошкентга келмагандик. Асосий таркиб футболчиларимиз айни дамда Ироқ профессионал лигасида иштирок этишмоқда. Биринчи бўлимда ёмон ҳаракат қилдик иккинчи бўлимда кучли футбол намойиш этганимизни ўзингиз ҳам гувоҳи бўлдингиз. Биз яна (2:1) ҳисобида мағлубиятга учрадик.

Бу футбол, футболда ҳамма нарса бўлиши мумкин. Аввалги учрашувдаги ҳакам ҳақида гапирадиган бўлсам учрашувни жуда ҳам ёмон бошқарганди. Йўқ жойдан пенальти қўйиб берди. Бу мени шаҳсий фикрим, ўшанда пенальти йўқ эди. Бу сафарги баҳсда эса бош ҳакам ўйинни жуда яхши бошқарди. Ушбу учрашувда мағлуб бўлган бўлсак ҳам ўйин менга жуда ҳам ёқди”, - дейди Мирон Хасра.

Жаҳонгир Сотволдиев суҳбатлашди

Мирон Хасра: “Ўзбекистон терма жамоаси Осиёда жуда ҳам кучли ҳисобланади”