У йилнинг иккинчи ярмини ҳам Ўзбекистон жамоаларида ўтказиши мумкин эди, аммо музокаралар муваффақиятли якунланмади. Бу ҳақида футболчидан кичик фикр олдик.

- Мирослав, олдинроқ сайтимизга берган интервьюда Сиз иккинчи даврани Ўзбекистоннинг бошқа жамоасида ўтказишингизни айтгандингиз.

- Ҳа, ўша пайт "Металлург" ва АГМК билан музокаралар олиб бораётгандим. Ҳеч нимани яширмайман. Шунчаки музокаралар давомида фикрлар тўғри келмади. Шу сабабли Сербияга қайтиб кетдим. Ҳозир Ўзбекистонда трансферлар ойнаси ёпилиб бўлганини биламан. Қишда Ўзбекистонга бориб, кейинги йилни Суперлигада ўтказиш ниятим бор.

- Сербия чемпионатида трансферлар ойнаси очиқми, бирор жамоага ўтиш ниятингиз борми?

- Ҳа, яқин кунлар ичида янги жамоамга қўшиламан. Аслида Европанинг барча давлатларида трансферлар ойнаси очиқ. Бошқа давлатлар жамоаларига ҳам кетишим мумкин. Бироқ барчасини вақт кўрсатади.

Мирослав Маркович: "АГМК ва "Металлург" билан музокаралар олиб бордим"