Бу ҳақда ПФЛ расмий твиттери хабар берди.

Қосимов матбуот анжумани аввалида, залдаги аёл журналистлар орқали, яқинлашиб келаётган 8 март байрами билан табриклади.

Миржалол Қосимов: "Сўнгги вақтларда роса пиар қилишди, лекин Қосимов ўз ишини, Абрамов ўз ишини қиляпти, ҳаммаси майдонда ҳал бўлади. Бизни олдинда, 11 март куни муҳим ўйин кутиб турибди, шу сабаб Суперкубок яхши тайёргарлик вазифасини ўтайди. Лекин бу эртага биз ўйнамаймиз, дегани эмас. Биз ҳар доимгидек майдонга чиқиб, яхши ўйин кўрсатишга ҳаракат қиламиз. «Локомотив» яхши мураббийи бор яхши жамоа ва бизни эртага қизиқарли ўйин кутиб турибди".

Олександр Пишур: "Мавсум бошидамиз, ҳали етарли даражада жисмоний тайёр бўлмаслигимиз мумкин. Яхшилаб тайёргарлик кўриб, яхши натижа кўрсатишга ҳаракат қиламиз".

Миржалол Қосимов: "Тўғриси, Саудиядан келганидан кейин, терма жамоа билан бўлиб, Суперкубок учун таркиб ҳақида ўйлашга вақт бўлмади. Биз Суперкубок учрашуви учун асосан ёшлар таркибини туширмоқчи эдик, бироқ бу ЎФФ ва ЎзПФЛга ҳурматсизлик бўларди. Шу сабабли биз «Локомотив»га қарши Суперкубок ўйинида аралаш таркибни туширишни режалаяпмиз. Эртага «Бунёдкор» таркибида Анвар Ғофуров ҳам «Локомотив»га қарши майдонга тушиши мумкин. Мансур Саидов билан гаплашдик, у ҳам, биз ҳам унинг захирада ўтириб қолиши яхши эмаслигини тушундик".

ПФЛ матбуот хизмати.

Миржалол Қосимов: "Локомотив"га қарши ўйинда аралаш таркибни туширмоқчимиз"