"Челси" ва Украина миллий терма жамоаси қанотчиси допинг тестидан ижобий натижа чиққани сабабли вақтинча футболдан четлаштирилди. Хабарларга кўра, Мудрикда ноябрь ойида миллий терма жамоа учун ўйиндан сўнг мелдоний моддаси аниқланган - ўшандан бери у майдонга чиқмаяпти.

"Биз Михаил Мудрикка Англия Футбол Ассоциациясининг Антидопинг регламентининг 3 ва 4-бандларига мувофиқ допинг қоидаларини бузганлик, шу жумладан тақиқланган препарат мавжудлиги ёки ундан фойдаланганлик айби қўйилганлигини тасдиқлаймиз.
Иш кўриб чиқилиш жараёнида бўлгани сабабли, ҳозирча бошқа изоҳлар беришдан тийиламиз," - дея таъкидлади Англия Футбол Ассоциацияси вакили.

Ассоциацияси қоидаларига кўра, Мудрик 4 йилгача муддатга дисквалификация қилиниши мумкин.

Михаил Мудрик допингда айбланмоқда. У тўрт йилга четлатилиши мумкин