"Инқилобчилар" Атлантада меҳмон

Мамлакатнинг амалдаги чемпиони ҳамда жорий мавсумни ҳам ўз минтақасида чакки ўтказмаган ва чиройли ғалабалари билан 2-ўринни эгаллаган "Атланта"нинг ҳал қилувчи босқичдаги дастлабки рақиби муҳлсиларини сўнгги лаҳзаларгача ҳаяжонда ушлаб туриб, оҳирги турга келибгина плэй-офф йўлланмасини базўр қўлга киритган "Нью-Инглэнд" жамоаси бўлди. Кўрамиз, атланталиклар чемпионликни муносиб ҳимоя қила олишадими ёки меҳмонлар "сенсация" қайд этишади.

Далласликлар Вашингтонда меҳмон

Бутун мавсум давомида ўз минтақаси чемпионлиги учун курашиб келган ва лекин “Лос-Анжелес”дек клубга қарши рақобатда имкониятни бой берган кўҳна шаҳар бош жамоаси “Сиетл Саундерс” ҳал қилувчи босқич стартида яна бир катта қийинчиликлар билан оҳирги паллада 7-поғонага жонҳолатда илиниб олган “Даллас”га қарши баҳс олиб боради. Мезбонлар бу сафарги мавсумда бош совринни кўзлаб, мақсадлари йўлида астойдил оғишмасдан ҳаракат қилишмоқда. Далласликлар эса, мухлислари ҳаққи-ҳурмати чиройли ўйин намойиш этишга бел боғлашган. Шундай экан, бизда ушбу баҳсни кўриш учун етарлича сабаблар бор.

Ашаддий рақиблар тўқнашуви

Мусобақа бошидан совринли ўринлар учун тинмай беллашиб келган ва якунда бир ҳил 50 очко тўплаган ҳолда, турнир жадвалида кетма-кет тўртинчи ҳамда бешинчи поғоналарни банд этган икки бир-бирига ўхшаш клублар “Торонто” ва “Ди Си Юнайтед” ўзаро жанг олиб боришади. Жорий мавсумда ушбу жамоалар ўзаро икки маротаба тўқнаш келишди ва ҳар иккала ўйинда ҳам дуранг қайд этилган – 0:0, 1:1. Демак, мавжуд статистикадан келиб чиқиб айтадиган бўлсак учрашув қизиқарли ва муросасиз курашларга бой ўтиши аниқ.

Ғарбдаги ўртамиёналар беллашуви

Жорий мавсум даваомида доимий ўртамиёналар қаторида кезиб юрган “Реал Солт-Лейк” сўнгги тур ўйинларини ёрқин тарзда ўтказиб, чиройли ғалабаларни қўлга киритиш орқали якуний мусобақа жадвалида 3-ўринни эгаллади. Жамоанинг 1/8 финал босқичидаги дастлабки рақиби маьлум бир вақт ичида хаттоки қуйи поғоналарда ҳам изғиб юрган ва лекин мавсум оҳирида юксак матонат кўрсатиб, мухлисларига плэй-офф йўлланмасини тақдим этган кам сонли иродали жамоалардан бири бўлган “Портленд Тимберс” бўлди.

“Буқалар” Филадельфияга учишади

Мавсум мобайнида чемпионатнинг кучли жамоаларига етарлича бошоғриқ бўла олган ва кутилмаган натижалари билан миллионлаб ишқибозларни ҳайрат уммонига ғарқ қилган “Нью-Йорк Ред Буллз” клуби ҳал қилувчи финал босқичининг биринчи ўйинини ўз майдонида шарқий зонада Нью-Йорк шаҳри бош жамоасига муносиб рақобат тақдим этиб, тенгма-тенг кураш олиб борган ва бироқ якунда минтақанинг бронза медаллари билан чекланган етакчи жамоалардан бири “Филадельфия”га қарши ўтказади. Учрашувда меҳмонлар шов-шув кўтара олишадими ёки Пенсилвания штати жамоаси ғалабали одимини давом эттирадими, буни фақат олий хакам бўлган вақт кўрсатади.

Азалий рақобатчилар жанги

Бутун мавсум давомида деярли стабил ўйин намойиш этиб келган ва совринли ўринлар учун даьвогарлар қаторидан тушмаган “Миннесота” ўз майдонида ҳамиша ўзини энг зўри деб билган дунёнинг бетакрор супер ҳужумчиларидан бири Златан Ибрагимович ҳаракат қилаётган клуб “Ла Гэлакси”ни қабул қилади. Ибра фаолиятини тугатишидан олдин совринлар коллекциясини АҚШдек қудратли давлатдаги кубок билан бойитиб олиш учун бор имкониятини ишга солиши турган гап. Шундай экан, учрашувга бўлган қизиқиш аудиторияси сезиларли даражада баланд.

Хондамир Ҳакимов тайёрлади

MLS. 1/8 финал учун превью ёхуд Ибра ва Руни жамоаси жиддий рақибларга дуч келишади