Олдинроқ, испаниялик форварднинг "Манчестер Юнайтед"га ўтиши мумкинлиги айтилган эди.

"Шу ерда ўйнашни ва "Атлетико" учун кўплаб мусобақаларда ҳаракат қилишни жуда ҳам хоҳлайман. Ишлашда давом этаман ва ҳар бир ўйинда жамоага натижа олиб келишга ҳаракат қиламан. "Атлетико" — дунёдаги энг яхши клублардан бири. Ҳа, трансфер борасида таклиф бор, бу борада ҳеч нарса қила олмайман ва шунчаки ишлашда давом этаман. Шу ерда жуда ҳам бахтлиман ва шу ерда тўп тепишда давом этишни хоҳлайман", — дейди Мората.

29 ёшли форвард "Хетафе"га қарши ўйинда дубль қайд этди. Мората ўтган икки мавсумни ижара асосида "Ювентус"да ўтказди. Ҳужумчининг "Атлетико" билан шартномаси 2023 йилнинг 30 июнига қадар мўлжалланган.

Мората "Атлетико"да қолишни хоҳлашини айтди