"Атлетико" ва Испания терма жамоаси ҳужумчиси Альваро Мората рафиқаси — модель ва бизнесвумен Аличе Кампелло билан 7 йиллик турмушдан сўнг 2024 йил август ойида ажрашган эди. 2025 йил январь ойида эса жуфтлик яна бирга экани маълум бўлди.

"Бу ҳаётимизда йўл қўйган энг катта хатомиз бўлган. Қандай қилиб бу қарорни қабул қилганимизга ҳали ҳам тушуна олмаймиз. Ушбу тажриба иккимизга ҳам жуда катта дарс бўлди, чунки бир-биримизсиз яшаш қандай эканини англаб етдик.

Депрессияга тушиб қолиш ёки баъзи вақтларда заифлашиб қолиш осон. [Қизим туғилгандан кейингги депрессия] мени ўзгартириб юборди. Аслида кўпдан бери ўзимни ёмон ҳис қилардим, буни ўзим ҳам тушунмасдим.

Мен отам билан жуда яқинман — у хафа бўлганди, чунки бир-бирини шунчалик яхши кўрган икки одам шундай гўзал оилани қандай қилиб йўқ қилишларини тушуна олмаган. Оиламдан жуда миннатдорман — улар менга тўғри қадриятларни ўргатишган ва доим рост гапиришган", — деди Аличе Кампелло Verissimo нашрига берган интервьюсида.

Моратанинг рафиқаси ажрашиш ҳақида: "Бу ҳаётимиздаги энг катта хато"