Мавсум бошидан буён у ҳеч кимни танқид қилмади, ўйинларни тахлил қилди. Аммо якшанба куни собиқ жамоалари "Манчестер Юнайтед" ва "Челси"нинг мағлубиятидан кейин ўзининг фикрларини билдириб ўтди.

"Ўтган мавсумда биз жуда ёмон ўйин кўрсатгандик. Аммо ушбу мавсумда катта трансферлар амалга оширилган бўлса-да, ўйиннинг яхшиланганини кўрмаяпман. Тўғри, янги футболчилар ўзида яхши таассурот қолдирмоқда, бироқ "Юнайтед" жамоавий равишда менга умуман ёқмаяпти. Жамоанинг натижалари мени ажаблантираётганича йўқ, лекин ўйин давомида Оленинг ижобий ҳислатларини кўрмаяпман.
"Манчестер Сити" ҳамда "Ливерпуль" МЮдан анчагина ўтиб кетишди. Фарқни қандай қилиб қисқартириш мумкин? Мен бу саволга жавоб берадиган инсон эмасман. Мен ўтган икки мавсумда жамоанинг олдинга қараб юраётганини кўргандим. Бироқ учинчи мавсум ўхшамади ва мени истеъфога чиқаришди. Ҳа, бу адолатли қарор эди. Чунки натижаларга мен жавоб берардим.
Одамлар МЮнинг ушбу ҳолатидан мени хурсанд деб ўйлашаётган бўлиши мумкин. Аммо мен бу клубдаги инсонларни яхши кўраман, мухлисларни эса қаттиқ ҳурмат қиламан. Ҳозирги ҳолат мен учун ҳам қайғули.
Қачонки жамоа жуда зерикарли ўйнаса, яъни, биз жамоанинг ўйинини зерикарли деб баҳоласак ҳам натижаларга эришиши ҳам мумкин. Бироқ ҳозир жамоадан ҳеч нимани тортиб оломайман ҳам. Жамоани кучли тўртлик ҳам эмас, кучли олтиликка кириши ҳам қийин. Бу мавсумдаги жамоа олдингисидан ҳам кучсиз".

"Юнайтед" раҳбарияти дарвозабон Давид Де Хеани ушлаб қолиш учун катта маош таклиф қилди. Янги келишувга кўра, испаниялик кипернинг маоши ҳафтасига 290 минг фунтни ташкил қилади. Ҳудди шунча маошни Поль Погба ҳам олади.

"Агарда "Юнайтед" бунчалик кўп маош тўламаганида ҳам у жамоада қоларди. Уч йил олдин уни дунёнинг барча вахший клублари кузатиб бораётганди. Энди эса у учун уларнинг эшиги ёпиқ.
"Реал"нинг эшиги ёпиқ - Куртуа бор. "Барселона"да фантастик тер Штеген бор. ПСЖ эса Навас билан шартнома имзолади. 34 ёш бўлса-да, дарвозабонлик учун қари эмас.
МЮ Давидни йўқотиш босимида қолганди деб ҳисобламайман. Де Хеа ўзи учун идеал шартномани талаб қилди ва бунга эга бўлди".

Моуриньо, шунингдек, ҳимоячи Магуайрни ҳам мақтаганди. (Португалиялик мутахассис ҳам ўз вақтида у билан бирга ишлашни истаганди. Бироқ бу амалга ошмаганди).

"Линделеф-Туанзебе ёки Линделеф-Жонс ёки Линделеф-Магуайр - буларнинг барчаси ҳар ҳил нарса. Биринчи навбатда, Магуайрнинг жисмоний ҳолатини ҳисобга олинг. Линдельоф жарима майдончаси ичида бош билан унчалик яхши ўйнай олмайди. Магуайрда эса ҳимояни кучайтирадиган барча ҳислатлар етарлича. У тезкор эмас, асосийси жуда ақлли.
Мавсум олдидан ҳимоячи олиб беринг деб жанжал қилганимда мени аҳмоққа чиқаришганди. Аммо мен ҳақ эдим.

Матбуот анжуманида эса Моуриньонинг гаплари бўйича тушган саволга Оле-Гуннар Сульшер шундай жавоб берди: "Барчанинг ўз фикри бор".

"Челси": Мухлислар хавотирда эмас, аммо бу бироз қўрқинчли

Лондонликларнинг муаммоси МЮникидан камроқ кўринади. Аммо улар ҳам дастлабки 6 ўйинда 8 очко олишди. "Ливерпуль"га қарши ўйиндан кейин "Стэмфорд" туриб, Лэмпардни олқишлади. Бу эса Жозега ёқди:

"Умид қиламанки, улар бунга ўрганиб қолишмайди, бу жуда муҳим. Янги ишингни мағлубият билан бошласанг-у, жамоа яхши ўйин кўрсатса, футболчилар ҳам олқишга сазовор бўлса, бу одамларга ёқади. Аммо натижалар топ-клубни ўртача савиядаги клубга айлантиради.

Одамлар мағлубият учун олқишлаши керак эмас. Ўша пайтда ижобий ҳиссиётлар одамлар олдинда қандай мавсум кутаётганлигини яширади. Аммо улар ҳар доим профессионалларни профессионалларга ҳос қўллаб қувватлайди. Бир вақтлар менда ҳам шундай бўлган".

Миржалол Норматов таржимаси

Моуриньо - ҳозирги "Манчестер Юнайтед", Де Хеа, ҳимоячилар тандеми ва бошқа муаммолар ҳақида