Ўйин ҳақида

"Лукас Моура ва Жованни Ло Чельсонинг ҳолати асосий ролни ўйнади.

Истасам ўйин ҳақида ҳеч нима демайман. Лекин, биринчи бўлимдаги йўқ нарсаларимиз иккинчисида пайдо бўлди.

Иккинчи таймда нисбатан яхшироқ ўйнашни бошладик. Бироқ батафсил гапиргим келмаяпти.

Моура, Ло Чельсо, Алли, Бергвейн - улар қаттиқ чарчашди ва бу яққол сезилди. Бироқ кучга тўла футболчилар ўйинга кўпроқ эффект беришини кутгандим.

Кимлардир бу АПЛ эканлигини тушуна оладими? "Бернли" майдонидаги ўйин жамоага катта тажриба бўлади. Умид қиламанки, келаси мавсумда чиройлироқ ўйин кўрсата оламиз.

Жамоани яхшилаш мақсадида ишлаяпман. Бироқ мураббийга ҳам яхши футболчилар керак"

Танги Ндомбеле ҳақида

"У АПЛдаги ҳар бир ўйинидаги дақиқасидан унумли фойдаланмоқда. Унга қадар ҳам барча футболчилар янги давлатидаги илк мавсумида катта қийинчиликларга дуч келишган.

Унинг иқтидори юқори, бироқ АПЛда бундан-да яхшироқ ўйин кўрсатиш кераклигини у тушуниб олиши керак. У жамоага керакли футболчи ва шу боисдан имконият олишда давом этади"

Ҳужумчилар ҳақида

"Чоршанба кунидаги 95 дақиқадан кейин Алли бугун яхши ўйнади. Агарда илк дақиқада яратилган вазиятда марказда Алли эмас, ҳақиқий ҳужумчи бўлганида дарвозани ишғол қилган ва катта эҳтимол билан учрашувда ғалабага эришган бўлардик. Ҳужумкор футболчилар ҳам ҳужумчи ролини бажаришда ҳаракат қилишмоқда, аммо барибир улар ҳужумчи эмас. Ҳа, таркиб борасида оғир дамларни ўтказяпмиз. Келаси мавсумда барчаси яхши бўлиб кетади"

Моуринью: "Кимлардир бу АПЛ эканлигини тушуна оладими?"