Турнир якунида сайтимиз мухбири "Мусобақанинг энг яхши тўпурари" номинацияси ғолиблигини қўлга киритган тажрибали ҳужумчи Мўйдин Мамазулумовнинг фикрлари билан қизиқди.

- Биз "Ҳоким кубоги" мусобақасида мунтазам қатнашиб келмоқдамиз" - дейди тажрибали ҳужумчи. "Тўпурар бўлиш – бу биз ҳужумчиларнинг вазифаси. Шу сабабдан ҳар доим кўпроқ голлар уриб жамоамизга ғалаба келтиришга ҳаракат қиламиз.

Жамоавий ўйин яхши йўлга қўйилса, астойдил меҳнат қилинса, натижага эришилади. Қайсидир маънода ёшларга ўрнак бўлишга ҳаракат қиляпмиз. Улар биздан ниманидир ўрганишлари керак. Ёш ҳужумчи етишиб чиқса, албатта, ўрнимизни бўшатиб берамиз. Майдонга чиқсин, 10 та гол урсин, биз бундан фақат хурсанд бўламиз" - дейди Мўйдин Мамазулумов.

Бекзод Толибов ёзиб олди

Мўйдин Мамазулумов: "Ёшларга ўрнак бўлишга ҳаракат қиляпмиз"