2013 йили Қатар билан ўйин (5:1) якунига етганидан сўнг БИЗ 2018 йилги ЖЧга ҳам чиқа олмаймиз, бугундан иш бошламасак, ЖЧ-2022ни ҳам ўтказиб юборамиз деган мавзуда мақола чоп этган эдик. Унда тизимни ислоҳ қилмасак, болалар футболига эътиборни ростмана оширмасак, муаммолар гирдобида қолаверишимиз акс этганди.

Бугун ёшлар футболида кўрсатилаётган ижобий натижаларга алданиб қолиш оқибатида МТЖни уммон тубига чўкишини кузатяпмиз.

Бугунги кунда ёшлар ва ўсмирлар терма жамоамизнинг 70 фоизга яқин футболчилари водийдан, аммо уларнинг барчаси етакчи клублар билан шартномага эгалар. Нима учун?

Нега вилоятларда болалар футболи олдинга силжиш ўрнига орқага қараб кетяпти? Ёш болалар ўз клубларида майсаси бор майдонда машғулот ўтказяптими? Ўтказаётган бўлса нечта тўп билан? Мураббийининг қўлида ПРОФЕССИОНАЛ деган ҳужжати борми? Қайси клубнинг ўринбосарлари сафида тўп тепиш учун қанча пул бериш керак? Вилоят футбол федерацияларининг раҳбарлари қанчалик ўз касбининг устаси? Нима учун вилоятларда 1999 ва 2006 йиллар оралиғида туғилган жамоалар ўртасида анъанавий биринчиликлар мавжуд эмас? Шаҳар чемпионати бўлмаса, қаердан футболчи чиқади? Мана шу муаммоларни очиб бериш ва охир оқибат керакли кишиларга етказиш йўлида ўқувчиларни ҳамкорликка чорлаймиз!

Сайтимизнинг уч нафар аъзоси 12та вилоятга сафар қилиб, маҳаллий футбол федерацияларининг иши ва у ердаги болалар футболига бўлган эътибор, ҳудудлардаги футбол мактабларини жиддий ўрганишни мақсад қилган.

Фақат бу борада ўқувчиларнинг ёрдами керак бўлади. Имкони борлар мазкур тадбирга ҳомийлик қилсалар, ўйлаймизки, унинг фойдаси албатта бўлади.

Ўн иккита вилоят болалар футболи билан танишиб чиқиш учун маълум миқдорда ҳаражат талаб қилинади. Ўз вилоятининг болалар футболига бефарқ бўлмаган ўқувчиларимиз click.uz тармоғи орқали ҳисобимизга пул ўтказишлари мумкин бўлади.

Бунинг учун телефонигиз ёрдамида қуйидаги USSD комбинацияни қўллашингиз мумкин - 880*087*48*ХХХ#.
ХХХ бунинг ўрнига ўзингиз истаган суммани ёзишингиз мумкин.
Масалан:
880*087*48*100000# - 100 000 сўм
880*087*48*10000# - 10 000 сўм
Жами 5 000 000 сўм йиғиш мўлжал қилинган. Уч нафар ходимимиз мазкур пуллар ёрдамида йўл кира ва меҳмонхона ҳаражатларини қоплайди.

Муаммонинг тубига шўнғиймиз, ёрдам берасизларми?