"Championat.asia" сайти талқинига кўра, 3-турнинг энг яхши дарвозабони - Машҳур Муҳаммаджонов ("Хоразм")
"Хоразм" бу турда сафарда "Бухоро" меҳмони бўлди ва 0:0 ҳисобида дуранг ўйнади. Урганчликлар посбони Машҳур Муҳаммаджонов бир неча бор ўз жамоасини голлардан қутқариб қолди. Шу боис Муҳаммаджонов турнинг энг яхши дарвозабони сифатида тан олинди.
"Championat.asia" сайти талқинига кўра, 3-турнинг энг яхши футболчиси - Баҳром Абдураҳимов ("Қўқон-1912")
Қўқонликлар Про лиганинг 3-турида дастлабки ғалабасини тантана қилди. Нукусда "Арал"га қарши ўйинда ғалаба қозониш ҳаммага ҳам насиб қилавермайди. Шу куни қўқонликлар таркибида тажрибали Баҳром Абдураҳимов жуда фаол бўлди ва жамоасининг муҳим голларидан бирини уришга эришди. Айнан шу боис Абдураҳимов турнинг энг яхши футболчиси деб топилди.
"Championat.asia" сайти талқинига кўра, 3-турнинг энг яхши мураббийи - Муҳсин Низомиддинов ("Қўқон-1912")
"Қўқон-1912" жорий мавсумдаги илк ғалабасини қўлга киритгани ҳақида юқорида ёздик. Нукусдаги муҳим ғалаба қўлга киритилишида мураббий Муҳсин Низомиддиновнинг хизмати катта. Сайтимиз талқинига кўра, айнан Низомиддинов турнинг энг яхши мураббийи сифатида тан олинди.
Изоҳлар