Бугун Ўзбекистон U – 19 терма жамоаси Афғонистон U – 19 термаси билан гуруҳдаги иккинчи учрашувни ўтказди. Ушбу баҳсдан сўнг Афғонистон U – 19 терма жамоаси футболчиси Муҳаммад Салмон ўз фикрлари билан ўртоқлашди.

- Ўйиндан унчалик қониқиш ҳосил қилмадим. Тўғри бугун мағлуб бўлдик аммо учрашувдаги биринчи голда ўйиндан ташқари ҳолат бор эди. Белгиланган пенальтидан сўнг ўз дарвозамиздан иккинчи голни ўтказиб юбордик. Ушбу вазиятда ҳам бош ҳакам йўқ жойдан пенальти белгилади. Биз бугун 14 футболчига қарши майдонда ҳаракат қилдик. Ушбу мусобақа яхши ўтказилмоқда, аммо ўйин 10:30 да бошланмоқда. Шу вақтда хаво ҳарорати жуда иссиқ бўлмоқда. Бундай шароитда майдонда тўп тепиш футболчиларга ноқулайлик туғдиради. Ўзбекистон U – 19 терма жамоаси ҳақида гапирадиган бўлсам жуда ҳам кучли терма жамоа. Ўзбекистон U – 19 терма жамоасидаги 7, 9 ҳамда 17 рақамдаги футболчилар жуда ҳам кучли экан. Улар бизга кўпроқ қийинчилик туғдирди. Юртингиз жуда ҳам чиройли экан. Бу ерга келганимдан хурсандман”, - дейди Афғонистон U – 19 терма жамоаси футболчиси Муҳаммад Салмон.

Жаҳонгир Сотволдиев

Муҳаммад Салмон: “Биз бугун 14 футболчига қарши майдонда ҳаракат қилдик"