“Ўзбекистон терма жамоаси турнир фаворити ва улар гуруҳ ўйинлари давомида буни исботлай олдилар. Жамоада иккита бир хил таркиб бор. Захирадан тушган футболчилар асосийлардан кам эмас. Бундай терма жамоага қарши ўйнаш жуда қийин. Муҳими турнирда иштирок этдик мағлубиятга учраган бўлсакда, футболчиларимиз учун бу мусобақа анча фойдали бўлганлигини эътироф этишим мумкин”, - дейди Афғонистон бош мураббийи Муҳаммад Юсеф Каргар.

- Уч нафар ўйинчингиз мусобақа бошланмасидан аввал қайтиб кетган эди. Бу сизга қийинчилик туғдирдими?
- Асосий таркибнинг икки нафар ўйинчиси йўқ эди. Посбонимиздан ҳам фойдалана олмадик. Албатта бу менга қийинчилик туғдирди. Лекин уларни ўрнига тушган футболчиларимиздан қониқиш ҳосил қилдим. Яна бир бор айтаман бу мусобақада иштирок этишимиз биз учун анча фойдали бўлди. Кейинги мусобақаларда Афғонистон янада яхшироқ ҳаракат қилишига ишонаман

- Аввало жамоангизга очиқ ўйин қилганига раҳмат айтаман. Футбол шуниси билан жозибали. Жамоангиз ўйинидан келиб чиқиб айтсам ҳимоя билан натижага эришингиз ҳам мумкин эди нега барча ўйинларда очиқ футбол қилдингиз?
- Бангладеш билан бироз ҳимояга эътибор бердим, Гонконгга эса ҳужумкор. Асосан 4-3-2-1 тактикаидан фойдаландик. Ўзбекистин билан ҳимоямиз иш бермаслиги маълумдек эди чунки улар кучли. Рақибимиз тўлиқ куч билан ўйнаганлиги учун ҳам 5та гол урди.

Нодирхўжа Юлдашев
Инчеон

Муҳаммад Юсеф Каргар: "Ўзбекистон - мусобақа фаворити"