"Жаҳон чемпионатига муносиб тайёрландик. Олиб борилган тайёргарлик ва машғулотлар самарасини чемпионатдаги ўйинларда кўрамиз. Биринчи марта бундай катта турнир олдидан турибман ва шу боис ҳаяжон бор. Буни инкор этмайман. Чемпионатда яхши иштирок этиш ва боримизни бериб ўйнаш асосий мақсадимиздир", - дейди Сардор Азимов.

- Жаҳон чемпионатида иштирок этиш учун жамоанинг салоҳияти қай даражада етади?

Ҳамма футболчимиз тайёр ва ҳамма бир бир учун битта жамоа бўлиб ҳаракат қилади. Аҳил жамоамиз бор. Ярим финалга чиқишни уддалаш керак. Мен бунга ишонаман.

- Рақиблар сафидаги футболчилар Европанинг топ клубларида ўйнамоқда. Бу уларни кучини баҳоламаяпдими?

Йўқ, бу таъсир ўтказмайди. Йиғинлар давомида Португалия ва Уругвайлар билан назорат ўйинларини ўтказдик. Албатта бу шунчаки назорат ўйини лекин биз бу ўйинларда улардан кўра яхшироқ ўйнадик дея оламан. Германия бўлгани билан улардан қўриб ўтиришга хожат йўқ. Ҳаммамиз бир хил инсонмизку. Олдингига нисбатан умуман қўрқув йўқолиб кетган. Бу рақиблардан қўрқмаймиз. Европа футболига ҳам ўргандик.

- Жамоанинг руҳиятини борасида фикрлар қандай?

Ҳамма руҳан ва жисмонан тайёр. Худо хохласа биринчи ўйинга тўла тайёрмиз.

- Биринчи ўйин Гондурасга қарши бўлади. Рақиб жисмонан жуда бақувват футболчиларга эга. Бу уларга устунлик бериши мумкинми?

Биринчи ўйин ҳамиша қийин бўлади. Ўзимизга бўлган ишончни ортиши учун мана шу ўйин жуда катта аҳамиятга эга ва қийинидир. Германия билан ҳам ўйинга ишонч билан тушамиз ва пала-партишликни кўрмаймиз. Ҳар бир чизиқ рақобат билан тўлдирилган. Ким бошланғич таркибда тушса қолган барча футболчилар уни қўллаб-қувватлаб туради. Ким захираан тушса ўйинни кучайтира олади ва жамоа учун фойдали бўлади. Ҳаммаси жамоа учун, ҳамма жамоа учун.

Мундиал олдидан. Сардор Азимов: "Биз ҳеч бир рақибдан қўрқмаймиз"