"Бу муҳим ғалаба, чунки биз уч кун олдин "Монако"га қарши ўйинда икки очко йўқотгандик. Бизда ўйинлар бошланди ва "Тулуза"га қарши баҳс қийин бўлишини билгандик. Бу ажойиб, тартибли жамоа. Бироқ биз яхши ҳаракат қилдик ва кўплаб голли вазиятлар яратдик.

Лео иккита самарали узатмани амалга оширди, Неймар клуб учун 109-голини урди, Килиан ҳам рақиб дарвозасини ишғол қилди. Ушбу ўйинда кўплаб ёқимли вазиятлар бўлди. Ҳа, учрашув бошида ҳимояда баъзи муаммолар бўлди, аммо биз ўзимизга кела олдик.

2:0 дан сўнг баъзи футболчиларни асраш учун ўзгаришлар қилдик. Форматни ўзгартириб, бошқа тизимга тушиб олиш учун ҳам бир неча дақиқа кетди, аммо биз шундан кейин яхши ўйнадик ва учрашувни назорат қилдик. Ғалабалар осонликча келмайди ва мен эришилган ютуқ билан футболчиларни табрикламоқчиман", - деди Галтье.

Мураббий Месси, Неймар ва Мбаппенинг "Тулуза" билан ўйиндаги ғалабага қўшган ҳиссаси ҳақида гапирди