Мусобақа низомига кўра, бу галги мусобақада ўн олти жамоа ғолиблик учун кураш олиб боради. Жамоалар қуръага мувофиқ, тўрттадан тўрт гуруҳга бўлинган ҳолда учрашувларни бошлайди. Гуруҳ ғолиблари ярим финалга йўлланмани қўлга киритишади.

Яшнобод туманининг “Яшнобод” жамоаси мусобақанинг “В” квартетидан жой олган. Унда яшнободликлар “плей-офф” йўлланмаси учун “Бунёдкор-Б”, 16-БЎСМ ҳамда LSF футболчилари билан куч синашади.

Мусобақанинг қолган гуруҳлари қуйидагича кўриниш олган:
“А” гуруҳи: “Сергели”, “Трактор”, “Локомотив-2”, “Олимпик”.
“С” гуруҳи: “Ёшлик”, “Пахтакор-1”, “Пахтакор-2”, “Осиё”ФК.
“Д” гуруҳи: “Оқтепа”, “Автомобилист”, “Локомотив-1”, “Атлетико”.

Гуруҳ ўйинлари 30 июлда бошланади. Дастлабки турда “Яшнобод” футболчилари ўз майдонида 16-БЎСМ жамоасига қарши тўп сурса, иккинчи жуфтликда “Бунёдкор-Б” — LSF майдонга тушади.

Иккинчи тур, 3 август
16-БЎСМ — “Бунёдкор-Б”, LSF — “Яшнобод”
Учинчи тур, 7 август
“Яшнобод” — “Бунёдкор-Б”, 16-БЎСМ — LSF.

Мусобақа низомига кўра, ярим финалнинг дастлабки жуфтлигида “А” ва “В” гуруҳлари ўзаро рўбарў келса, “Д” ва “С” гуруҳлари ғолиблари ўртасидаги баҳсда иккинчи финалчи номи аниқланади. Бу учрашувлар 11 август куни бўлиб ўтиши белгиланган.

Бош соврин соҳиби 15 августда бўладиган финалдан сўнг маълум бўлади.

Мусобақа ғолиби мавсум охирида ПРО-лигага йўлланма берувчи “пулька”да қатнашиш ҳуқуқини қўлга киритади.

Маълумот ўрнида шуни айтиш керакки, “Яшнобод” жамоаси ҳозирда Тошкент шаҳар чемпионати иккинчи лигасида биринчи давра учрашувларидан сўнг, ўз гуруҳида тўққизинчи турдан сўнг, 22 очко жамғарган ҳолда пешқадамлик қиляпти.

“Мустақиллик кубоги — 2018”: “Яшнобод” жамоаси “B” гуруҳидан жой олди