"Манчестер Юнайтед" дарвозабони Андре Онана жамоадаги илк мавсумига баҳо берди.

"МЮ футболчилари мағлубиятга учраганда, ҳақли равишда танқидга учрайди – бу касбимизнинг бир қисми. Мен бу ерга дунёнинг энг зўр дарвозабони бўлиб келгандим, табиийки, мухлислар менга нисбатан жуда талабчан эди. Улар кўп нарсани кутишади, лекин айни вақтда кўп қўллашади.
Мувозанатни топиш ўта муҳим. Танқид баъзан фойдали, сизни хатоларингизни таҳлил қилишга мажбур қилади. МЮда ўйнаш осон эмас, чунки умидлар катта. Лекин биз ҳар қандай рақибни мағлуб этишимиз мумкинлигини кўрсатдик ва барча турнирларда ғалаба учун курашамиз.
Ўйлайманки, тахминан олти ойдан кейин ўзимни бу ерда ўзимни уйдагидек ҳис қила бошладим. Янги мамлакат, чемпионат ва жамоага кўникиш осон эмас, лекин бу борада жамоадошларим катта ёрдам беришди", – деди футболчи.

Онана ўтган ёзда 50 млн евро эвазига "Интер"дан МЮга ўтганди. 28 ёшли посбон ўтган мавсум барча мусобақаларда 51 та ўйинда қатнашиб, 13 бор дарвоза дахлсизлигини сақлаб қолган.

"МЮда ўйнаш осон эмас" — Андре Онана