Наманган, Сурхондарё, Фарғона ва Бухоро вилоятларида бўлиб ўтган мусобақаларда 2004, 2005, 2006 ва 2007 йилларда таваллуд топган футболчилар қатнашдилар.

Қувонарлиси шундаки, 2019/20 йил бўлиб ўтган сўнгги мусобақалардан фарқли равишда, жорий мавсум ўйинлари анча адолатли ўтди. Йилдан-йилга ЎФАнинг болалар бўлими бошлиғи Маъмур Саидқосимов ва унинг жамоаси бу борада иш олиб бораётганининг мевасини кўряпмиз. Мураббийларнинг маошларини ҳал қилувчи бу мусобақанинг биринчи давраси бўйича мураббийлардан деярли эътирозлар бўлмаганлиги, секин аста болалар футболига ҳам адолат кириб келаётганидан дарак.

Мухбирларимиз, Наманганда бўлиб ўтган мусобақа ташкилотчиси, Наманган ФА 1-Вице - президенти Шуҳрат Мирхолдиршоев билан суҳбатлашди.

"Аввало мана шундай болалар байрамини бизга ишониб берган ЎФА мутасаддиларига ўз миннатдорчилигимизни билдирамиз. Бугун Наманган вилоятидаги мавжуд сунъий майдонлар кўплаб тадбирларни ўтказишимизга сабаб бўляпти. Наманган футбол маҳорат мактабида 4та ёш авлод вакилларининг 1-давра ўйинлари бўлиб ўтди. ЎФА билан ҳамкорликда иккига бўлиб ўтказилган мусобақамиздан ҳафа бўлиб кетган мураббий бўлмади, деб ўйлайман. Сўнгги пайтларда вилоятимизда кўплаб футбол мусобақаларни ўтказилиниши, ҳакамларимизнинг савиясини ошишига олиб келяпти", - дейди яқин ўтмишнинг моҳир ҳужумчиси.

Наманганда футбол маҳорат мактаблари ўртасидаги мусобақанинг биринчи давраси якунланди