Клуб раҳбарияти Сарри билан ўртадаги келишувни яна 4 йилга узайтирмоқчи. Маурицио Саррининг амалдаги шартномаси шу мавсум якунига қадар имзоланганди. "Наполи" вакиллари жамоанинг муваффақиятли ўйинларидан сўнг Саррига янги шартнома таклиф қилишмоқчи.

Агарда клуб Европа лигаси ёки Италия кубогида зафар қучса, унда Саррига қўшимча пул мукофоти берилади. Мавсум якунига кўра, "Наполи" Чемпионлар лигаси йўлланмасини қўлга киритадиган бўлса, унда Саррига яна бонус сифатида мукофот пули ваъда қилинган.

Эслатиб ўтамиз, Саррининг "Наполи"дан олаётган маоши аввалги мураббийлар, хусусан Бенитес ва Маццариникидан беш баробат кам миқдорда.

"Наполи" Сарри билан келишувни узайтирмоқчи