Мазкур жамоалар ўртасидаги учрашув доимо юртимиз мухлисларида катта қизиқиш ўйғотиб келади.

Чемпионатимизда барча етакчи клубларга муносиб қаршилик кўрсатишни уддалайдиган “аждарлар” мана 10 мавсум ортда қолибдики, Тошкентда “Пахтакор” жамоаси дарвозасига йўл топа олмаяпти.

Тошкентдаги охирги ғалабага эса бундан ҳам кўп йил бўлган, бу ҳам бўлса бир мартагина содир бўлган.

Жамоалар ҳозиргача чемпионатда 36 марта туқнаш келишган. Ҳамма ижобий кўрсаткичлар “Пахтакор” жамоаси томонида.

Шундай бўлсада, навбатдаги учрашув натижасини олдиндан тахмин қилиш қийин. Тошкентда бўлиб ўтган аксарият ўйинларда ҳакамларни “айблаб” келаётган мухлисларни ҳам эътиборга олган, Ўзбекистон ПФЛ раҳбарияти ўйинни бошқариш учун мамлакатимизнинг энг тажрибали ҳаками Равшан Эрматовни тайинлади.

Қани кўрамиз, балки бу сафар Рўзиқул Бердиев шогирдлари “Пахтакор” дарвозасини ишғол қилишни уддасидан чиқишар.

Эслатиб ўтамиз, учрашув эртага 26 июнь жума куни кеч соат 19:30да “Пахтакор” марказий стадионида бошланади. Учрашув шунингдек “Спорт” телеканали орқали тўғридан-тўғри намойиш ҳам этилади.

Жамоаларнинг ўринбосарлари ўртасидаги учрашув бугун Қибрайдаги стадионда соат 17:30да бошланади.

Қизиқарли учрашувни ўтказиб юборманг.

"Насаф" 10 йилдан буён Тошкентда "Пахтакор"га гол ура олмаяпти