Умуман олганда ҳар иккила жамоалар финал баҳсни кўтаринки руҳда бошлашди. Финал ўйинини адолатли бошқариб борган иқтидорли ёш ҳакам Равшан Абдувохидов бригадаси ўз вазифаларини аъло даражада бажаришди. Ўйин олди “Насаф-99” жамоаси бош мураббийи Нурали Султоновни ўйдантирадиган жиҳатлар бор эди. Шунингдек мураббий финал учрашувида жамоанинг тўлиқ жангавор тарикибини майдонга тушира олмас эди.

Улар худди шу куни мамлакат биринчи лигаси 10-тур доирасидаги учрашувда “Хотира-79” жамоаси билан баҳс олиб боришлари ҳам керак эди.

Нурали Султонов биринчи лигада “Насаф-2” жамоасини ҳам бошқариши сизга маълум.

Гап шундаки, “Насаф-99” жамоасини асосий таркибини етти нафар футболчиси биринчи лигада ҳам тўп суришади. Ўйин тафсилотлари ҳақида қисқача тўхталиб ўтадиган бўлсак, Султонов финал учрашувида асосий таркиб дарвозабонидан ташқари деярли иккинчи таркибни майдонга олиб тушди.

Катта иштиёқ билан финалгача етиб келган ғузорликлар бутун ўйин давомида кўплаб голга тортадиган вазиятлардан фойдалана олишмади.Финал учрашувида меҳмон жамоа вакили 8-рақамдаги футболчи Жасур Холтўраев ёш “аждарлар”нинг ҳимоячиларига етарлича ташвиш туғдирди.

Биринчи тайм бошларида жамоалар эҳтиёткорлик билан ҳаракат қилишди ёш “насаф”чилар асосан қарши ҳужумларни қанотлардан ташкил этишди. Бир ҳужумчи билан ҳаракат қилган “оқ бўри”лар узоқ масофалардан кучли зарбалар йуллаб, “Насаф-99” жамоасининг голкиперини хушёрлигини синаб куришди. Тайм ўрталарида ёш “аждарлар” қаноатларини ишга солди ва чап қанот ярим ҳимоячиси исмига мос Ёрқин Амиров ёрқин ўйинни намойиш эта бошлади, тезкор Амиров рақибларини ортда қолдириб чиройли тарзда узатган тўпларига гол билан якунлайдиган жамоадоши топилмади. Шундай қилиб, биринчи бўлимда ҳисоб очилмади.

Танаффус пайтида устозларидан керакли кўрсатмаларни олган ёш футболчилар иккинчи бўлимда умуман бошқача сецинарийни ижро этишди. Мезбон ва меҳмон жамоа ҳам ўйин суъратини пасайтирмадилар. Финалчилар узоқ масофалардан дарвозаларни ишғол қилишга ҳам уринишди, бир неча янги кучларни майдонга туширилиши ҳам ўз самарасини бермади. Бош ҳакам томонидан учрашув асосий вақтига қўшиб берилган тўрт дақиқада ҳам ўйин ҳисоби ўзгармади.

Қўшимча бўлимларда ёш футболчиларда чарчоқ аломатлари сезила бошланди. Қўшимча бўлимларда ҳам ҳисоб очилмади. Финалга хос учрашув пенальтилар сериясига етиб келди.

Пенальтилар сериясида “Насаф” жамоаси дарвозабони Ўзбекистон ўсмирлар терма жамоаси аъзоси Умид Эргашев рақиб томонидан сўнгги имкониятни йўққа чиқарди ва омад 5:4 ҳисобида “Насаф-99” жамоаси томонида бўлди.

Шундай қилиб, Ўзбекистонда хизмат кўрсатган ёшлар мураббийи Нурали Султоновнинг “Насаф 99” жамоаси 2015 йилги вилоят кубоги соҳиби бўлишди.

Финал сўнггида ғолиблар тағдирланишди. Кубокни Вилоят Футбол Федерацияси 1-вице президенти Норқул Даминов тантанали равишда “Насаф-99” жамоасига топширди.

Фахриддин ЧОРИЕВ.

“Насаф-99” жамоаси Қашқадарё вилояти кубоги соҳиби!