Сайтимиз ушбу учрашувда Рўзиқул Бердиев қандай таркибни майдонга туширишини тахмин қилиб кўрди.

Элдорбек Суюнов жароҳат боис учрашувни ўтказиб юбориш эҳтимоли жуда юқорилигини бош мураббий ўйинолди матбуот анжуманида айтиб ўтди. Шу боис дарвозани Санжар Қувватов қўриқласа керак. Ҳимояда ўнгда жамоанинг янги вакили Акмал Шораҳмедов, чапда Фаррух Сайфиев ўйнайди. Марказий ҳимоя Шерзод Аъзамов ҳамда россиялик легионер Игорь Голбанга топширилса керак.

Таянч ярим ҳимоячиси вазифасини одатга кўра Одил Ҳамробеков бажаради. Азиз Ғаниев ва Дилшод Раҳматуллаев олдинроқда. Қанотларда Баҳром Абдураҳимов ва Дониёр Нарзуллаев ўйнашлари кутилмоқда.

Ҳужумда биргина легионер Драган Черан ўйнайди. Бу барчаси тахминий таркиб. Якуний таркибни албатта Рўзиқул Бердиев аниқлайди.

“Насаф”нинг "Ал Ҳидд"га қарши тахминий таркиби:

Дарвозабон: Санжар Қувватов

Ҳимоячилар: Акмал Шораҳмедов, Игорь Голбан, Шерзод Аъзамов, Фаррух Сайфиев

Ярим ҳимоячилар: Одил Ҳамробеков, Азиз Ғаниев, Баҳром Абдураҳимов, Дониёр Нарзуллаев, Дилшод Раҳматуллаев

Ҳужумчи: Драган Черан

Эслатиб ўтамиз, "Насаф" - "Ал Ҳидд" учрашуви 31 январь куни Тошкентдаги "Бунёдкор" стадионида бўлиб ўтади. Ўйин соат 16:00да бошланади. Учрашув чипталари стадион кассаларида сотилмоқда.

"Насаф" - "Ал Ҳидд". "Аждарлар"нинг тахминий таркиби